Equí siguimos

Pues equí tamos, Carlos, Ígor, otru añu más n’alborada de San Xuan cola mirada perdida buscando un recuerdu. Alcordándonos de vosotros, de bonos conciertos, de discos recomendaos, de pidir chipirones pa cenar y de muches anécdotes (Carlos ¿de verdá marchaste cola bandera de Xixón de La Escalerona?)

Y equí seguimos, porque lo que te arrodia dizte que sí, que trae cuenta, que, agora sí, el día ye más guapu si podemos poder un cantar de los vuestros, llamar a xente pa xuntanos y que se prendan los amplis, y pidir pa que la música que facemos nesti país pequiñín tope sitiu nel mundu y les y los que la faen tean arguyosos de facer lo que faen y tener lo que tienen.

Ah, Ígor, Carlos, que los guajes xubieron a primera.

Sabía yo que diba prestavos.

Postal de Ruma Barbero

Ruma Barbero Xixón 1971, músicu, lletrista, diseñador, ilustrador y dibuxante. Como músicu compartió grupu con Figor y Carlinos a lo llargo de 15 años. Na so estaya gráfica, tien fecho una montonera de diseños de Cd’s, cartelos, ilustraciones de llibros y escenografíes. La otra gran pasión de Ruma, amás de Felpeyu ye’l cómic, siempre en llingua asturiana anque tien delles traducciones al castellanu y al eonaviegu. Tien ganaos dellos premios como lletrista y autor de cómic.

Ruma Barbero Xixón 1971, músicu, lletrista, diseñador, ilustrador y dibuxante. Como músicu compartió grupu con Figor y Carlinos a lo llargo de 15 años. Na so estaya gráfica, tien fecho una montonera de diseños de Cd’s, cartelos, ilustraciones de llibros y escenografíes. La otra gran pasión de Ruma, amás de Felpeyu ye’l cómic, siempre en llingua asturiana anque tien delles traducciones al castellanu y al eonaviegu. Tien ganaos dellos premios como lletrista y autor de cómic.

Postal de Gallota

Gallota. Ñacíu en Xiixón el mesmu añu que Johnny Depp y Elena de Borbón y Grecia (¡qué pareya!). Llicencióse en Filosofía y Ciencies de la Educación, anque enxamás atopó la motivación o’l talentu afayadizos pa exercer como filósofu, científicu o educador. Tampoco nun ye seguro que lo consiguiera como dibuxante, diseñador gráficu, creativu publicitariu o padre de familia (la so serie prefería), pero lleva enguedelláu neso una bona temporadina. Últimamente intenta tamién facese’l graciosu. Dende el 11-S de 2012 ye miembru fundidor de la Fundición Princesa de Astucias.

Gallota. Ñacíu en Xiixón el mesmu añu que Johnny Depp y Elena de Borbón y Grecia (¡qué pareya!). Llicencióse en Filosofía y Ciencies de la Educación, anque enxamás atopó la motivación o’l talentu afayadizos pa exercer como filósofu, científicu o educador. Tampoco nun ye seguro que lo consiguiera como dibuxante, diseñador gráficu, creativu publicitariu o padre de familia (la so serie prefería), pero lleva enguedelláu neso una bona temporadina. Últimamente intenta tamién facese’l graciosu. Dende el 11-S de 2012 ye miembru fundidor de la Fundición Princesa de Astucias.

Postal de Marcos León

Marcos León Xixón 1971. Lleva viviendo del oficiu de fotógrafu dende va 20 años y entá-y sigue prestando la capacidá de comunicar coles imáxenes, igual ye lo que más-y atrae, per enriba incluso d’una estética guapa. Trabaya como fotógrafu nel periódicu rexonal La Nueva España dende’l branu de 1994, mediu pal que cubrió reportaxes en Bosnia, Sahara, Italia, Francia, Cuba y Irak. Tien feches delles publicaciones en prensa nacional, revistes, llibros etc…, y tien participao n’esposiciones colectives, sobre too cola Asociación Profesional de Fotoperiodistes Asturianos de la que foi presidente dellos años. Rescampla la esposición “réplicas”, la primera que fexo en solitariu, en 2013. Un proyectu resultáu de varios viaxes a Lisboa, aú a través del poema “El temblor” de Juan Carlos Gea, percorre les sos lluces y solombres, mirando.

Marcos León, Xixón 1971. Lleva viviendo del oficiu de fotógrafu dende va 20 años y entá-y sigue prestando la capacidá de comunicar coles imáxenes, igual ye lo que más-y atrae, per enriba incluso d’una estética guapa. Trabaya como fotógrafu nel periódicu rexonal La Nueva España dende’l branu de 1994, mediu pal que cubrió reportaxes en Bosnia, Sahara, Italia, Francia, Cuba y Irak. Tien feches delles publicaciones en prensa nacional, revistes, llibros etc…, y tien participao n’esposiciones colectives, sobre too cola Asociación Profesional de Fotoperiodistes Asturianos de la que foi presidente dellos años. Rescampla la esposición “réplicas”, la primera que fexo en solitariu, en 2013. Un proyectu resultáu de varios viaxes a Lisboa, aú a través del poema “El temblor” de Juan Carlos Gea, percorre les sos lluces y solombres, mirando.